Կազմված է 30.07.2010 թ.-ին և բաղկացած է

9 թերթից

Տպագրված է ընդամենը 5 օրինակ

ՕՐԻՆԱԿ .1

ԳՐԱՆՑՎԱԾ է

ՀՀ Իրավաբանական անձանց Պետական ռեգիստրի Կենտրոնական մարմնի կողմից

13.10.2010  թ.

Գրանցման թիվ 222.16.01265

Վկայական 03<< 089223

Պետական ռեգիստրի ղեկավար

Ա. Գևորգյան

ՀԱՍՏԱՏՎԱԾ է                                  

«ՀԱՅԿԱԿԱՆ ՃԱՐՏԱՐԱՊԵՏՈՒԹՅՈՒՆՆ

ՈՒՍՈՒՄՆԱՍԻՐՈՂ» հիմնադրամ հիմնադրելու

2010 թ. հուլիսի 30-ին կայացած

հիմնադիրների թիվ 1 որոշմամբ

տնօրենի ժ/պ` Ս. Կարապետյան

«ՀԱՅԿԱԿԱՆ ՃԱՐՏԱՐԱՊԵՏՈՒԹՅՈՒՆՆ ՈՒՍՈՒՄՆԱՍԻՐՈՂ»

ՀԻՄՆԱԴՐԱՄԻ

ԿԱՆՈՆԱԴՐՈՒԹՅՈՒՆ

ԸՆԴՀԱՆՈՒՐ ԴՐՈՒՅԹՆԵՐ

1.1  «ՀԱՅԿԱԿԱՆ ՃԱՐՏԱՐԱՊԵՏՈՒԹՅՈՒՆՆ ՈՒՍՈՒՄՆԱՍԻՐՈՂ» Հիմնադրամը (այսուհետ` Հիմնադրամ)

քաղաքացիների կամավոր գույքային վճարների հիման վրա ստեղծված և անդամություն չունեցող ոչ

առևտրային կազմակերպություն է, որը հետապնդում է մշակութային, ուսուցողական, տեղեկատվական

և այլ հանրօգուտ նպատակներ:

1.2   «ՀԱՅԿԱԿԱՆ ՃԱՐՏԱՐԱՊԵՏՈՒԹՅՈՒՆՆ ՈՒՍՈՒՍՆԱՍԻՐՈՂ» հասարակական կազմակերպության

(վկայական թիվ` 838, գտնվելու վայրը` ք. Երևան, Գյուլբենկյան 38ա շենք) վերակազմավորման

ճանապարհով հիմնադրվել է «ՀԱՅԿԱԿԱՆ ՃԱՐՏԱՐԱՊԵՏՈՒԹՅՈՒՆՆ ՈՒՍՈՒՄՆԱՍԻՐՈՂ» Հիմնադրամը:

Հիմնադրամը համարվում է «ՀԱՅԿԱԿԱՆ ՃԱՐՏԱՐԱՊԵՏՈՒԹՅՈՒՆՆ ՈՒՍՈՒՍՆԱՍԻՐՈՂ»

հասարակական կազմակերպության իրավահաջորդը` համաձայն

«ՀԱՅԿԱԿԱՆ ՃԱՐՏԱՐԱՊԵՏՈՒԹՅՈՒՆՆ ՈՒՍՈՒՄՆԱՍԻՐՈՂ» հասարակական կազմակերպության

անդամների 26.04.201Օ թ-ի որոշմամբ հաստատված փոխանցման ակտի:

1.3  Հիմնադրամի անվանումն է.

հայերեն` «ՀԱՅԿԱԿԱՆ ՃԱՐՏԱՐԱՊԵՏՈՒԹՅՈՒՆՆ ՈՒՍՈՒՄՆԱՍԻՐՈՂ» ՀԻՍՆԱԴՐԱՄ, անգլերեն`

“Research on Armenian Architecture” Foundation:

1.4  Հիմնադրամը գործում է ՀՀ Սահմանադրության, ՀՀ օրենսդրության, ՀՀ

միջազգային պայմանագրերի և սույն կանոնադրության հիման վրա:

1.5 Հիմնադրամի գործունեությունն անժամկետ է:

1.6 Հիմնադրամը գործում է օրինականության, կամավորության, իրավահավասարության,

ինքնակառավարման և հրապարակայնության սկզբունքներով:

1.7 Հիմնադրամը չի հետապնդում քաղաքական նպատակներ:

1.8 Հիմնադրամին հանձնած գույքը հիմնադրամի սեփականությունն է: Հիմնադրամն այդ

գույքն օգտագործում է իր կանոնադրությամբ սահմանված նպատակների համար:

1.9 Հիմնադրամը պարտավոր է ամեն տարի օրենքով սահմանված կարգով և ժամկետներում

հաշվետվություն հրապարակել իր գործունեության մասին:

1.10 Հիմնադրամի կառավարման մարմինների ձևավորման կարգը սահմանվում է

օրենքով և սույն կանոնադրությամբ:

1.11 Հիմնադրամը գործում է Հայաստանի Հանրապետության ողջ տարածքում և օտարերկրյա

պետություններում` այդ պետությունների օրենսդրությանը համապատասխան:

1.12 Հիմնադրամի գտնվելու վայրն է` ՀՀ, ք. Երևան, Գյուլբենկյան, 38ա շենք:

1.13 Հիմնադրամի հիմնադիրներն են.

ա)        Գերմանիայի քաղաքացի Մարգրիտ-Մարի-Լուիս-Կարոլին Հաղնազարյան-Բունեմաննը,

ՀՀ-ում կացության հատուկ կարգավիճակի անձնագիր` AF0443448, տրված 04.10.2002 թ.,

002-ի կողմից, բնակության վայրը` ք. Երևան, Քեռու փող., 49 տուն,

բ)         Ամերիկայի Սիացյալ Նահանգների քաղաքացի Ջորա Մանուչեհրյանսը,

ՀՀ-ում կացության հատուկ կարգավիճակի անձնագիր` AG 0549292, տրված 20.12.2005 թ.,

002-ի կողմից, բնակության վայրը` 9632 Սալուդա Ավենյու, Թուջունգա, Կլիֆորնիա 91042, ԱՄՆ,

գ)         Ամերիկայի Միացյալ Նահանգների քաղաքացի Մարկո Բրամբիլլան, անձնագիր` 422103134,

տրված 19.10.2009 թ., ԱՄՆ ի արտաքին գործերի նախարարության կողմից, բնակության

վայրը` ք. Երևան, Բարբյուսի փող., 30 շենք, բն. 2,

դ)         Մեծ Բրիտանիայի և Հյուսիսային Իռլանդիայի Միացյալ Թագավորության քաղաքացի

Ռուբեն Գալիչյանը, ՀՀ-ում կացության հատուկ կարգավիճակի անձնագիր` AG 0478396, տրված

16.06.2005 թ., 002-ի կողմից, բնակության վայրը` ՀՀ, ք. Երևան, Մաշտոցի պող., 34 շենք, բն. 4,

ե)         ՀՀ քաղաքացի Նարեկ Սարգսյանը, անձնագիր` AG 0555671, տրված 22.11.2005 թ.,

011-ի կողմից, բնակության վայրը` ք. Երևան, Թումանյան փող., 14 շենք, բն. 6,

զ)         ՀՀ քաղաքացի Արտաշես Կակոյանը, անձնագիր` AK 0470619, տրված 25.03.2010 թ.,

007-ի կողմից, բնակության վայրը` Զ. Քանաքեռցու փող., տուն 118,

է)         ՀՀ քաղաքացի Մուշեղ Լալայանը, անձնագիր` AB 0232531, տրված 22.11.1996 թ.,

003-ի կողմից, վավերականության ժամկետը երկարաձգված մինչև 22.11.2011 թ.ը,

բնակության վայրը` ք. Երևան, Չեխովի փող., 35 շենք, բն. 31:

2. ՀԻՄՆԱԴՐԱՄԻ ՆՊԱՏԱԿՆԵՐՆ ՈՒ ԳՈՐԾՈՒՆԵՈՒԹՅԱՆ ՏԵՍԱԿՆԵՐԸ

2.1 Հիմնադրամի նպատակներն են.

ա)        Հայաստանի Հանրապետության տարածքում և օտարերկրյա պետություններում

գտնվող հայ ճարտարապետությանը, մշակույթին և պատմությանն առնչվող հուշարձաններին

վերաբերող նյութերը հայտնաբերել, նկարահանել, չափագրել և հատուկ արխիվներում դասավորել,

բ) Իրականացնել նմանատիպ աշխատանքներ հայկական պատմական և նոր գաղթավայրերում,

գ)         Իրականացնել հավաքված նյութերի ուսումնասիրություն և տարբեր լեզուներով դրանց

հրատարակման աշխատանքներ,

դ)         Կազմակերպել ու գումարել գիտաժողովներ, հրավիրել համապատասխան մասնագետների,

ե)         Իրականացնել հայագիտությանն առնչվող այլ ուսումնասիրություններ և հրատարակել և

սփռել դրանց արդյունքները,

զ)         Պահպանել ու վերականգնել  Հայաստանի Հանրապետության և նրա սահմաններից դուրս

գտնվող հայկական ճարտարապետական հուշարձանները:

2.2 Հիմնադրամն անձամբ կարող է զբաղվել ձեռնարկատիրական գործունեության հետևյալ 

տեսակներով`

ա)        կրթական ծրագրերի կազմակերպում,

բ)         տուրիզմի կազմակերպում,

գ)         հրատարակչական գործունեություն:

2.3 Հիմնադրամի շահառուներն են`

Հայ ճարտարապետական և մշակութային ժառանգությամբ հետաքրքրվող անձինք:

3. ՀԻՄՆԱԴՐԱՄԻ ԻՐԱՎՈՒՆՔՆԵՐԸ

3.1 Հիմնադրամը ձեռք է բերում իրավաբանական անձի կարգավիճակ` իր պետական գրանցման պահից:

3.2 Հիմնադրամն ունի իրավաբանական անձի համար սահմանված բոլոր իրավունքները և

կրում է համապատասխան պարտականություններ.

ա)        ունի առանձնացված գույք, ինքնուրույն հաշվեկշիռ, իր անվամբ հայերենով և

անգլերենով կլոր կնիք, հաշվարկային և այլ հաշիվներ բանկերում` ՀՀ և օտարերկրյա արժույթով,

կարող է ունենալ խորհրդանիշ,

բ)         իր անունից կարող է ձեռք բերել գույքային և ոչ գույքային իրավունքներ և կրել

պարտակա­նություններ, որպես հայցվոր և պատասխանող հանդես գալ դատարանում:

3.3 Հիմնադրամն ինքնուրույն է որոշում իր կազմակերպական կառուցվածքը, նպատակները և

գործունեության ձևերը:

3.4 Հիմնադրամը կարող է զբաղվել ձեռնարկատիրական գործունեությամբ` սույն կանոնադրությամբ

սահմանված նպատակների իրականացման համար: Հիմնադրամը կարող է ստեղծել տնտեսական

ընկերություններ կամ մասնակցել դրանց:

3.5 Հիմնադրամն իր կանոնադրությամբ նախատեսված նպատակներն իրականացնելու համար

օրենքով սահմանված կարգով իրավունք ունի.

ա)        տեղեկատվություն տարածել իր գործունեության մասին,

բ)         օգտագործել լրատվության միջոցներ/տեղեկատվական ալիքներ,

գ)         ներկայացնել և պաշտպանել իր իրավունքները և օրինական շահերը հասարակական

կազմակերպություններում, դատարանում, պետական և տեղական ինքնակառավարման մարմիններում,

դ) օրենսդրությամբ սահմանված կարգով ձեռք բերել, ստանալ, վարձակալել անշարժ գույք,

հիմնական միջոցներ, տրանսպորտ և օրենքով չարգելված ու Հիմնադրամին չպատկանող այլ

գույք` ներառյալ անշարժ գույքի անվճար օգտագործումը,

ե)         վաճառել, վարձակալության տալ կամ անվճար օգտագործման հանձնել Հիմնադրամին

պատկա­նող անշարժ գույքը, ինչպես նաև օգտագործման հանձնել իր նյութական և ոչ

նյութական ակտիվները,

զ)         ինքնուրույն կազմավորել իր ֆինանսական ռեսուրսները, այդ թվում` փոխառու

միջոցների ներգրավմամբ, Հայաստանի Հանրապետությունում և այլ պետություններում

ստանալ վարկեր, դրամաշնորհներ, այդ թվում` արտարժույթով,

է)         ունենալ միջոցներ արժույթով և Հայաստանի Հանրապետության օրենսդրությամբ

չարգելված բոլոր միջոցներով ձեռք բերել կամ ստանալ այդ միջոցները և ինքնուրույն տնօրինել դրանք,

ը)         կնքել համաձայնագրեր օտարերկրյա ոչ առևտրային և ոչ կառավարական

կազմակերպությունների հետ, իր աշխատակիցներին և այլ անձանց գործուղել արտասահմանյան

երկրներ, հրավիրել այլ երկրներից քաղաքացիներ, ստեղծել առանձնացված ստորաբաժանումներ

օտարերկրյա պետություններում` այդ պետությունների օրենսդրությանը համապատասխան,

թ)         իրականացնել այլ պետությունների կողմից օտարերկրյա կամ Հայաստանի Հանրապետության

տարածքում իրականացվող մարդասիրական և այլ ծրագրեր:

ժ)         իրականացնել Հիմնադրամի կանոնադրությանը չհակասող և օրենքով չարգելված այլ

գործունեություն:

3.6 Հիմնադրամի հիմնադիրները, ինչպես նաև Հոգաբարձուների խորհուրդն իրավունք ունեն

որոշում ընդունել սույն կանոնադրությունում փոփոխություններ, լրացումներ կատարելու կամ

նոր խմբագրությամբ կանոնադրության հաստատման մասին, ընդ որում, նշված հարցերի

վերաբերյալ հիմնադիրների կողմից որոշումներն ընդունվում են միաձայն:

4. ՀԻՄՆԱԴՐԱՄԻ ՊԱՐՏԱԿԱՆՈՒԹՅՈՒՆՆԵՐԸ

4.1 Հիմնադրամը պարտավոր է`

ա)        գործել Հայաստանի Հանրապետության Սահմանադրությանը, «Հիմնադրամների մասին»

ՀՀ օրենքին և այլ օրենքներին ու իրավական ակտերին, ինչպես նաև սույն կանոնադրությանը

համապատասխան,

բ)         օրենքով սահմանված կարգով վարել գործավարություն և հաշվապահական հաշվառում

ու պատրաստել ֆինանսական հաշվետվություններ,

գ)         օրենքով նախատեսված դեպքերում և կարգով հաշվետվություններ ներկայացնել

պետական մարմիններին:

5. ՀԻՄՆԱԴՐԱՄԻ ՄԱՐՄԻՆՆԵՐԸ

5.1  Հիմնադրամն ունի հետևյալ մարմինները՝ Հոգաբարձուների խորհուրդ (այսուհետ՝ Խորհուրդ),

տնօրեն և Գիտական խորհուրդ:

5.2   Հիմնադրամի կառավարման բարձրագույն և հսկողություն իրականացնող մարմինը

Հիմնադրամի հոգաբարձուների խորհուրդն է:

5.3 18 տարին լրացած ցանկացած գործունակ ֆիզիկական անձ կարող է դառնալ Խորհրդի անդամ:

5.4 Խորհուրդը բաղկացած է յոթ անդամներից, որոնք առաջին անգամ նշանակվում են հիմնադիրների

կողմից` միաձայն որոշմամբ:

5.5 Խորհրդի անդամի թափուր տեղ առաջանալու դեպքում նոր անդամի ընտրության համար

թեկնածու են առաջադրում հիմնադիրները, իսկ եթե հիմնադիրները գոյություն չունեն, կամ

Հոգաբարձուների խորհրդի անդամի թափուր տեղ առաջանալու օրվանից 30 օրվա ընթացքում

թեկնածու չեն առաջադրում, ապա այդպիսի առաջարկություն կարող է անել Հոգաբարձուների

խորհրդի անդամներից  յուրաքանչյուրը: Հոգաբարձուների խորհրդի անդամի թափուր տեղ

առաջանալու օրվանից ոչ ուշ, քան 10 օրվա ընթացքում տնօրենն այդ մասին պետք է պատշաճ

ձևով տեղեկացնի Հոգաբարձուների խորհրդի մնացած անդամներին և հիմնադիրներին:

5.6 Հոգաբարձուների խորհրդի նոր անդամն ընտրվում է Հոգաբարձուների խորհրդի կողմից`

սույն կանոնադրության 5.5 կետով սահմանված կարգով խորհրդի անդամի թեկնածու առաջադրելու

օրվանից ոչ ուշ, քան 30 օրվա ընթացքում` Հոգաբարձուների խորհրդի անդամների ձայների երկու

երրորդով:

Եթե թեկնածուներից ոչ մեկը չի ստացել ընտրվելու համար ձայների անհրաժեշտ քանակ, ապա

առավելագույն ձայներ ստացած երկու թեկնածուների միջև անցկացվում է կրկնակի քվեարկություն:

Ընտրված է համարվում այն թեկնածուն, որը ստացել է ձայների առավելագույն քանակ: Եթե դադարել

են Հոգաբարձուների խորհրդի բոլոր անդամների լիազորությունները, ապա Խորհրդի անդամներին

ընտրում են հիմնադիրները՝ ձայների մեծամասնությամբ:

5.7 Խորհրդի անդամի լիազորությունը դադարում է.

ա)        հոգաբարձուների խորհրդի նախագահին տրված գրավոր դիմումի հիման վրա,

բ)         նրա կողմից իր պարտականությունները պատշաճ չկատարելու դեպքում` Հոգաբարձուների

խորհրդի մնացած անդամների 3/4-ի որոշմամբ,

գ)         եթե դադարել են Հիմնադրամի Հոգաբարձուների խորհրդի անդամների ընդհանուր թվի

կեսի կամ կեսից ավելիի լիազորությունները,

դ)         դատարանի` օրինական ուժի մեջ մտած վճռով անգործունակ ճանաչվելու դեպքում,

ե)         նրա մահվան դեպքում:

5.8 Խորհուրդն իր գործունեությունը կազմակերպում է նիստերի միջոցով: Խորհրդի նիստն իրավազոր է,

եթե դրան մասնակցում է Խորհրդի անդամների կեսից ավելին:

5.9 Խորհրդի նիստերը գումարվում են ոչ պակաս, քան տարին մեկ անգամ` Խորհրդի նախագահի կողմից:

Խորհրդի նիստերը կարող են հրավիրվել նաև Խորհրդի անդամների 1/3 ի պահանջով` Խորհրդի

նախագահի կողմից համապատասխան պահանջը ներկայացնելու պահից սկսած 30 օրվա ընթացքում:

Եթե նշված ժամկետում Խորհրդի նախագահը նիստ չի հրավիրում, ապա նիստը կարող են հրավիրել

նման պահանջ ներկայացրած անձինք:

5.10 Խորհրդի իրավասության հարցերը սահմանվում են սույն կանոնադրության և օրենքի համաձայն,

որը չի ներառում տնօրենի իրավասությունները և կազմում է հետևյալը`

ա)        Հիմնադրամի ռազմավարական ծրագրի հաստատումը,

բ)         Հիմնադրամի բյուջեի և նրա փոփոխությունների, տարեկան ֆինանսական հաշվետվությունների

և Հիմնադրամի գործունեության տարեկան հաշվետվությունների հաստատումը,

գ)         Հիմնադրամի գույքի տնօրինման կարգի հաստատումը,

դ)         Հիմնադրամի վերակազմակերպման մասին որոշման ընդունումը,

ե)         Հիմնադրամի խորհրդի անդամների լիազորությունների վաղաժամկետ դադարեցման

մասին որոշումների ընդունումը,

զ)         Սույն կանոնադրության Խորհրդի անդամների ընտրությունը,

է)         Խորհրդի նախագահի, Հիմնադրամի տնօրենի ընտրության և նրանց լիազորությունների

վաղաժամկետ դադարման մասին որոշումների ընդունումը,

ը)         Հիմնադրամի կանոնադրության մեջ փոփոխություններ և լրացումներ կատարելու,

նոր խմբագրությամբ կանոնադրություն հաստատելու մասին որոշումների ընդունումը,

թ)         Տնտեսական ընկերությունների ստեղծման կամ դրանցում մաս­նակցության,

ինչպես նաև առանձնացված ստորաբաժանումների և հիմ­նարկ­­ների ստեղծման ու

դրանց կանոնադրությունների հաստատման մասին որոշումների ընդունումը,

ժ)         Հիմնադրամի այլ մարմինների ստեղծման մասին որոշումների ընդունումը,

ժա)      Հիմնադրամի ֆինանսատնտեսական գործունեության վերահսկումը,

ժբ)       Հիմնադրամի տնօրենի գործունեության վերստուգումը,

ժգ)       Տնօրենի հաշվետվությունների վերստուգում, որոնք Տնօրենը պարտավոր է ներկայացնել

Խորհրդի կողմից կամ ՀՀ օրենքներով սահմանված պարբերականությամբ,

ժդ)       Վերահսկել իր որոշումների կատարումը և դրանց արդյունքները,

ժե)       Աուդիտն իրականացնող անձի ընտրություն,

ժզ)       Հիմնադրամի լուծարման հարցով դատարան դիմելու մասին որոշման ընդունումը,

ժէ)       Հիմնադրամի լուծարման հանձնաժողովի (լուծարողի) նշանակումը, լուծարման կարգի ու

ժամկետների սահմանումը, լուծարման միջանկյալ հաշվեկշռի հաստատումը, լուծարման հաշվեկշռի

հաստատումը,

ժը)       Հիմնադրամի կառուցվածքի հաստատումը,

ժթ)       Հիմնադրամի հաստիքացուցակի հաստատումը:

5.11 Հոգաբարձուների խորհրդի որոշումներն ընդունվում են նիստին մասնակցող անդամների

ձայների մեծամասնությամբ, բացառությամբ Օրենքով և սույն կանոնադրությամբ նախատեսված

այն դեպքերի, երբ որոշումներ ընդունելու համար ձայների ավելի մեծ քանակ է նախատեսված:

5.12 Խորհրդի նախագահն ընտրվում է Խորհրդի կազմից, դրա անդամների ձայների պարզ

մեծամասնությամբ:

Խորհրդի նախագահը

ա)        կազմակերպում է Խորհրդի աշխատանքները,

բ)         գումարում է Խորհրդի նիստերը և նախագահում է դրանք,

գ)         կազմակերպում է նիստերի արձանագրության վարումը:

5.13 Հիմնադրամի ընթացիկ գործունեության ղեկավարումն իրականացնում է Հիմնադրամի տնօրենը:

Հիմնադրամի տնօրենը կազմակերպում է Խորհրդի որոշումների կատարումը:

5.14 Հիմնադրամի տնօրենը

ա)        տնօրինում է Հիմնադրամի գույքը, այդ թվում` ֆինանսական միջոցները, գործարքներ է

կնքում Հիմնադրամի անունից,

բ)         ներկայացնում է Հիմնադրամը Հայաստանի Հանրապետությունում և օտարերկրյա

պետություններում,

գ)         գործում է առանց լիազորագրի,

դ)         տալիս է լիազորագրեր.

ե)         սահմանված կարգով կնքում է պայմանագրեր, այդ թվում` աշխատանքային,

զ)         բանկերում բացում է Հիմնադրամի հաշվարկային (այդ թվում` արտարժութային) և այլ հաշիվներ,

է)         Խորհրդի հաստատմանն է ներկայացնում Հիմնադրամի աշխատանքային ներքին կանոնակարգը,

առանձնացված ստորաբաժանումների, հիմնարկների ու Հիմնադրամի կողմից հիմնադրվող

տնտեսական ընկերությունների կանոնադրությունները, Հիմնադրամի վարչակազմակերպական

կառուցվածքը, հաստիքացուցակը,

ը)         իր իրավասության սահմաններում արձակում է հրամաններ, հրահանգներ, տալիս է

կատարման համար պարտադիր ցուցումներ և վերահսկում դրանց կատարումը,

թ)         սահմանված կարգով աշխատանքի է ընդունում և աշխատանքից ազատում Հիմնադրամի

աշխատակիցներին,

ժ)         աշխատակիցների նկատմամբ կիրառում է խրախուսման և կարգապահական

պատասխանատվության միջոցներ:

5.15                             Հիմնադրամի Գիտական խորհուրդը

Հիմնադրամի Գիտական գործունեությունը կազմակերպող և վերահսկող մարմինը Գիտական

խորհուրդն է:

Գիտական խորհուրդը

ա)        վերահսկում է Հիմնադրամի գիտական գործունեության ընթացքը,

բ)         մասնակցում է Հիմնադրամի գիտական ծրագրերի մշակմանը,

գ)         կազմակերպում է գիտաժողովներ, կոնֆերանսներ և խորհրդաժողովներ,

դ)         վերահսկում և երաշխավորում է Հիմնադրամի կողմից հրատարակվելիք գիտական

աշխատությունները:

5.16 Գիտական խորհուրդը կազմված է 5 անդամներից, որոնք ընտրվում են Հոգաբարձուների խորհրդի

կողմից 3 տարի պաշտոնավարման ժամկետով:

5.17 Գիտական խորհրդի նախագահն ընտրվում է գիտական խորհրդի կազմից, դրա անդամների

ձայների պարզ մեծամասնությամբ:

Գիտական խորհրդի նախագահը

—           կազմակերպում է Գիտական խորհրդի աշխատանքները,

—           գումարում է Գիտական խորհրդի նիստերը և նախագահում է դրանք,

—           կազմակերպում է նիստերի արձանագրության վարումը:

5.18 Գիտական խորհուրդը ձայների պարզ մեծամասնությամբ սահմանում է իր գործունեության

կանոնակարգը և ներկայացնում է Հոգաբարձուների խորհրդի հաստատմանը:

5.19 Գիտական խորհրդի նիստերը հրավիրվում են Խորհրդի որոշմամբ կամ Գիտական խորհրդի

անդամների առնվազն մեկ երրորդի պահանջով: Գիտական խորհրդի նիստն իրավազոր է, եթե

նիստին ներկա են Գիտական խորհրդի անդամների կեսից ավելին: Գիտական խորհրդի նիստերին

որոշումներն ընդունվում են նիստին ներկա անդամների ձայների մեծամասնությամբ:

6. ՀԻՄՆԱԴՐԱՄԻ ԱՌԱՆՁՆԱՑՎԱԾ ՍՏՈՐԱԲԱԺԱՆՈՒՄՆԵՐԸ ԵՎ ՀԻՄՆԱՐԿՆԵՐԸ

6.1 Հիմնադրամն իր կանոնադրական նպատակները և խնդիրներն իրականացնելու նպատակով

կարող է ստեղծել առանձնացված ստորաբաժանումներ` մասնաճյուղեր և ներկայացուցչություններ,

ինչպես նաև հիմնարկներ:

Հիմնադրամը սույն կանոնադրության հաստատման պահին առանձնացված ստորաբաժանումներ չունի:

7. ՀԻՄՆԱԴՐԱՄԻ ՍԵՓԱԿԱՆՈՒԹՅՈՒՆԸ

7.1  Հիմնադրամը որպես սեփականություն ունի առանձնացված գույք և իր պարտավորությունների

համար պատասխանատու է այդ գույքով:

7.2  Հիմնադիրների կողմից Հիմնադրամին հանձնած գույքը հանդիսանում է Հիմնադրամի

սեփականությունը:

7.3   Հիմնադրամի սեփականության գոյացման աղբյուրներ կարող են լինել`

—     հիմնադիրների ներդրումները, դրամական մուտքերը պետական բյուջեից, դրամաշնորհները,

—     բարեգործական ներդրումները, քաղաքացիների և կազմակերպությունների նվիրատվությունները,

նվիրաբերությունները և հանգանակությունները,

—     մարդասիրական կամ այլ ծրագրերի շրջանակում ստացված գույքը կամ դրա իրացման

արդյունքում կուտակված միջոցները,

—     Հիմնադրամի կողմից իրականացվող ձեռնարկատիրական գործունեությունից ստացված

արդյունքները,

—     Հայաստանի Հանրապետության օրենսդրությամբ չարգելված այլ մուտքերը:

7.4 Հիմնադրամի գույքը տնօրինվում է Հիմնադրամի տնօրենի կողմից` համաձայն Խորհրդի կողմից

հաստատված Հիմնադրամի տարեկան բյուջեի` ըստ ամսական կտրվածքով նախատեսված

սահմանաչափերի, ընդ որում, ամսական սահմանաչափն ըստ անհրաժեշտության կարող է փոփոխվել,

սակայն եռամսյակային կտրվածքով չպետք է գերազանցի Խորհրդի կողմից սահմանված

համապատասխան եռամսյակի սահմանաչափը:

7.5 Սույն կանոնադրության 7.4 կետով նախատեսված սահմանաչափը գերազանցող գործարքները,

անշարժ գույքի ձեռքբերման կամ օտարման գործարքները, ինչպես նաև Հիմնադրամի խորհրդի

կողմից հաստատված տարեկան բյուջեով չնախատեսված ծախսերն իրականացվում են միայն

Հոգաբարձուների խորհրդի որոշմամբ:

8. ՀԻՄՆԱԴՐԱՄԻ ՎԵՐԱԿԱԶՄԱԿԵՐՊՈՒՄԸ ԵՎ ԼՈՒԾԱՐՈՒՄԸ

8.1 Հիմնադրամը կարող է վերակազմակերպվել միայն Հիմնադրամի` միացման կամ միաձուլման

ձևով` հիմնադիրների կամ Խորհրդի միաձայն որոշմամբ:

8.2 Հիմնադրամի վերակազմակերպման մասին որոշումն ընդունելուց հետո` 30 օրվա ընթացքում,

Հիմնադրամը պարտավոր է այդ մասին գրավոր ծանուցել իր բոլոր պարտատերերին:

8.3 Միաձուլմամբ, ինչպես նաև միացմամբ պայմանավորված՝ պետական գրանցումների կատարման

նպատակով միաձուլման կամ միացման պայմանագիրը (պայմանագրերը), փոխանցման ակտը (ակտերը)

և օրենքով սահմանված մյուս անհրաժեշտ փաստաթղթերը ներկայացվում են իրավաբանական

անձանց պետական գրանցումն իրականացնող մարմին:

8.4 Հիմնադրամի լուծարման դեպքում վերջինիս իրավունքներն ու պարտականություններն

իրավահաջորդության կարգով այլ անձի չեն անցնում:

8.5 Հիմնադրամը լուծարելու մասին որոշում կարող է ընդունել միայն դատարանը` շահագրգիռ

անձանց դիմումով:

8.6 Հիմնադրամը կարող է լուծարվել`

• • եթե հիմնադրամի գույքը բավարար չէ նրա գործունեության իրականացման համար, և անհրաժեշտ գույք ստանալու հնարավորությունն իրական չէ,

   

  • եթե հնարավոր չէ հասնել Հիմնադրամի նպատակներին և հնարավոր չէ կատարել այդ նպատակների անհրաժեշտ փոփոխություններ,

   

  • Հիմնադրամի կողմից սույն կանոնադրությամբ նախատեսված նպատակներից շեղվելու դեպքում, օրենքով նախատեսված այլ դեպքերում:

   

8.7 Պարտատերերի պահանջները բավարարելուց հետո կամ այն դեպքում, երբ լուծարման միջանկյալ

հաշվեկշիռը հաստատելու պահին Հիմնադրամը չունի պարտավորություններ պարտատերերի

նկատմամբ, գույքն ուղղվում է Հիմնադրամի կանոնադրությամբ նախատեսված նպատակներին,

իսկ դրա անհնարինության դեպքում փոխանցվում է պետական բյուջե:

8.8 Լուծարման ընթացքում Հիմնադրամն իրավունք ունի կնքել նոր գործարքներ և ստանձնել նոր

պարտավորություններ միայն իր պարտավորությունները կատարելու համար անհրաժեշտ ընթացիկ

գործունեությունն ավարտելու անհրաժեշտության դեպքում:

8.9 Հիմնադրամի գույքի ամբողջական բաշխումն իրականացնելուց հետո լուծարման հանձնաժողովը

կազմում է լուծարման հաշվեկշիռ և ներկայացնում է Հիմնադրամի հոգաբարձուների խորհրդի

հաստատմանը:

Լուծարման հանձնաժողովը Հիմնադրամի հոգաբարձուների խորհրդի

հաստատած լուծարման հաշվեկշիռը ներկայացնում է դատարանի հաստատմանը:

8.10 Հիմնադրամի լուծարումը համարվում է ավարտված, իսկ նրա գոյությունը դադարած`

պետական գրանցման պահից: